indian-system-of-medicine « WordPress.com Tag Feed

Homoeopathy aajmaiye ; Barsaat ki bimarion se bachav aur ilaj ke liye

prakruti — Mon, 07 Jul 2008 16:46:38 +0000

Homoeopathy chikitsa vigyan mein bahut si khubiyan hain, lekin saath saath kamiyan bhi hain. Hamein kamiyan na dekhakar is chikitsa vigyan ki khubiyan ya achchaiyan dekhani chahiye. Mere Baba ji Bengal mein rahakar Homoeopathic chikitsa vigyan tatha mere pita ji ne Calcutta mein Homoeopathy ka prashikshshan liya tha. Ham jab chchote the to ve gaon mein logon ko dawaiyan dete the. Main us samay logon ko theek hote dekhakar bahut achambhit hota tha.

Ab jab main swayam Homoeopathic ka doctor ho gaya to chikitsa mein aise ashcharya janak cure dekhane ko mile, jinhein main sirf yaad kar sakata hun, aap logon ko bhi bataunga taki sabhi log isase labhanvit hon.

Barsaat ke dinon mein bahut se logon ko paani mein bhig jane , thandi hava lagane, ardta ke karan , humidity ke karan takalifein ho jati hain, jinhein kaha jata hai ki WET EXPOSER ho gaya hai ya Cold exposure ho gaya hai, kuchch bhi kah sakatey hain.

In sabki Homoeopathy mein bahut achchi aur safal dawayein hain, in dawaon ko "seasonal medicine" bhi kahatey hain, koi bhi rog ho agar "Barasat" usaka karan hai, to niche likhi dwayein dein, jarur aaram milega.

1- Belladonna 30 ya 200

2- Bryonia 30 ya 200

3- Rhustox 30 ya 200

In teeno dwaon ko ek ek ghantey ya do do ghantey se , jaisi aawashyakta ho , us hisaab se repeat krein, yah repeatition Tonsillitis, Muscular pain, joints pain, rigidity of muscles, headache, cervical spondylitis, abdominal pain, cough, throat problems, swellings aadi aadi takalifon ko door karan mein ramban ki tarah hai.

Yah bilkul surakshit aushadhiyan hain aur koi bhi side effects nahin hain.

Yah teenon dwayein har grahasth ko apane paas rakhani chahiye. Koi bhi bimari ho, ise prathamik chikitsa ke taur par de sakatey hain.

Jaise hi takalif mein aaram milane lage, in dawaon ka repitition ka samay badha dena chahiye, 2 ghantey se char ghante ya chchah ghantey ya phir ek khurak pratidin khilakar dawayein band kar dena chahiye.

Sinusitis : Naak ki sabase kharab bimari

prakruti — Fri, 04 Jul 2008 17:40:27 +0000

Naak ki sabase kharab bimari Sinusitis, ek pareshan karane wali bimari hai. Isame baar jukham hota hai, vah bhi bahut joron se, sirdard, jukham, naak se mucous ya bahut pani sa nikalana, kharratey aana, chehare par acne jaise phunsiyan nikalati hain, isake alva sare sharir mein dullness jaise laga karati hai. Kabhi kbhi bukhar sa lagata hai, bhukh kam ho jati hai aur tamam tarah ki takalifein paida ho jati hain.

Is bimari ka Allopathy mein koi karagar ilaj nahin hai. Anti biotics se kuchch samay ke liye aaram mil jati hai, lekin takalif phir vaisi ki vaisi ho jati hai.

Isamein Ayurvedi dawayein bahut kargar hai, yadi saath mein Homoeopathy ki bhi davayein li jayein to aur achcha hota hai. Ayurved aur Homoeopathy mein bahut si davayein hain jo Sinusitis ke teenon tarah ki yani 1- Frontal sinusitis 2- Nasal sinusitis 3- Maxillary sinusitis, in sabhi ke lye kargar davayein maujud hain.

Jinhein Sinusitis ho, ve Operation katai na karayein, ve kisi achche Ayurvedic doctor se is bimari ka ilaj karayein. Yah 99 pratishat thik ho jati hai.

Ayurveda ki ek dava mein yahan likhe de raha hun, jo sabhi tarah ki sinusitis mein upayogi hai. Lagatar kuchch mahine khane se aaram mil jayegi.

Jo Sinusitis se pareshan hain, ve "CHITRAK HARITAKI" dava kisi achchi kampany ki lekar khayein, unhein avashya phayada hoga. Lekin behatar hoga, marij vyaktigat roop se kisi Vaidya ya Ayurvedic ya Hooeopathic doctor ki dava le aur usaki dekharekh mein ilaj le.

Trisodha, inhe teen dosha bhi kahatey hain

prakruti — Tue, 01 Jul 2008 17:52:23 +0000

Jaisa ki sabhi chikitsa vgyano ke baare mein sabhi ko pata hai ki ve kisi na kisi aadhar par unaka buniyadi dhancha khada hota hai, usi prakar se Ayurveda ka bhi buniyadi dhancha bana hua hai. Allopathy jaisa ki manati hai ki bahut si takalifein "bacteria" aur doosare infection se hoti hain , ya Allopathy yah mankar chalati hai ki bimariyan "Physiological" athava "Pathological" base par adharit hoti hain.

Homoeopathy yah manakr chalti hai, ki sharir ki "Vital Force" jab kisi karan se bigad jati hai, tab sharir mein rog paida hote hain. Isake alava teen tarah ke miasma hote hain jinhe Psora, Sycosis aur Syphilis ke naam se janatey hai jo purani bimari hone ke, ek prakar se, karan hain.

Nature cure wale yah manatey hain ki sharir mein jab vijatiya tatva ghus jatey hain ya galat rahan sahan , vyakti ka hota hai tab bimari uapastithi hoti hai.

Unani chikitsa vigyan manata hai ki Dam, balagam , saudavi aur sifaravi madda jab apane vajud se bhatak jatey hain tab bimariyan paida ho jati hain.

Ayurveda ki theory Tridosha ke siddhant par adharit hai. Tridosha yani teen dosha, ye teen dosha hain Vata, Pitta aur Kappha. Ye teen doshon ki kalpana prakruti se li gayi hai, prakruti ki shaktiyon se li gayi hai. Is dharati mein upastithi Vayu yani hava, jal yani pani, surya ki usma ya jalane se paida agni ki usma se garmi yani heat, akash yani space aur dharati yani mother earth. Ayurveda manata hai ki hamara sharir inhi tatvon se milakar bana hai, inhi tatvon se prapta anna aur khadya padarthon se sharir badhata hai, aur ant mein ek din yah sharir inhi tatvon mein jakar mil jata hai. Isaliye sharir ke andar yah maujud tatva sharir ke andar bhi vahi karya krenge jo ve bahar karatey hain aur jo unake prakratik gun hain.

Isiliye Vata ko Vayu bhi kahatey hain, Pitta ko ushma kahatey hain aur Kaphha ko jal aur prathvi tatve bhi kahatey hain. In tatvon ke alag alag charecteristics hain , jisase yah pahachan ho jati hai ki kaun sa vyakti kis tatva se jyada ya kam affected hai.

Pitta ki thaily ki pathari yani Gall Bladder stone

prakruti — Mon, 30 Jun 2008 17:17:40 +0000

Gall bladder yani pitta ki thaily hamare sharir ka ek pramukh ang hai, ise sabhi janatey hain ki yah kahan hoti hai, isake kaam ke bhi bare mein adhikanshatah logon ko pata hai, chunki yah vishay sharir rachana aur sharir kriya vigyan se sambandhit hai, atah jo log isake bare mein adhik janana chahatey hain , ve kisi bhi chikitsak ke paas jakar samajh sakatey hain ya internet par hi dekh samajh sakatey hain.

Is thaily mein jab sankraman hota hai, isaki vajah se ya kisi anya karan se infalammation hone lagata hai to ise "cholecystitis" ya Inflammation of Gall Bladder ya painful condition of Gall bladder kahatey hain. Is bimary mein gallbladder ki diwalon mein sujan aa jati hai, aur ve moti hone lagati hain.

Doosari mukhya takalif hai isake andar "sludge" jam jana yani calcium ya fat ya pitta ke kano ka jam jana, teesari takalif jo jyada satati hai vah hai Pathari ka ho jana, yah pathari kuchch millimeter se lekar kai centimeter tak ki ho jati hain, kisi kisi marij mein yah dekhane mein aaya hai ki poora ka poora gall bladder patahrion se thasathas bhara hua hota hai.

Maine aise rogiyon ki chikitsa ki hai, lekin isamein kaphi limitations hain , yah samajh lena chahiye. Allopathic ke doctors in sabhi bimarion ke ilaj ke liye operation kara lene ki salah dete hain, lekin Ayurveda Chikitsa padhyati mein is tarah ki bimarion ki kai dashaon mein, operation se bacha ja sakata hai. Ye kaun si stithiyan hai, inaka jikra main yahan kar raha hun.

Ayurveda chikitsa padhyati mein Cholecystitis, Gall bladder inflammation, sludge jamane jaisi bimariyon ka pakka aur satik ilaj hai, jinhe is tarah ki takalif ho ve ayurvedic dawayein karen , ve 100 pratishat rog se mukta ho jayeinge aur unhe surgery nahin karani padegi. Maine saikadon rogion ko rog mukta kiya hai.

Jinhen Gall Bladder stone ho, yani Gall bladder ki pathari ho, yadi Gall stone, 05 millimeter, size tak ki ho to Ayurvedic upachar karein, isamein safalata mil jayegi, lekin yadi Gall stone size isase bada hai yani 06 millimeter aur isase bhi jyada, yani 10-20 mm ka hai, to kuchch din tak dava khakar dekh lena chahiye, kyonki hota yah hai ki koi koi pathari is tarah se form hoti hai ki vah dawa khilane se pighalane lagati hai aur usaka size chchota hone lagata hai, lekin yah hamesa sabake saath nahin hota, bahut si pathariyan itani kadi hoti hain ki ve pathathr se kuchalane ke baad bhi nahin tutati, is awastha mein Surgery kara lena hi ekmatra rasta hai.

Jab bhi ilaj karayein, mahine do mahine baad, Ultra sound kara kar dekha lein chahiye ki Gall Bladder aur pathari ki kya stithi hai. Is bimari ke ilaj ke liye kisi sidha hasta vaidya ki sevayein le to achcha hai.

Ek baat aur kahunga, ki yadi Ayurvedic ilaj ke saath saath HOMOEOPATHIC ki dawaon ka upayog karein to sone mein suhaga wali baat hogi, rog jaldi thik hone ki ummid badhati hai.

Kamar Dard yani Lumber pain

prakruti — Sun, 29 Jun 2008 16:58:02 +0000

Kamar dard ek aam shikayat hai. Yah shariri ke lumber region mein stithi manshpeshiyon ki ghat rahe lachile pan ke karan hoti hai, main ise bahut saral bhasa mein samajha raha hun. Pith, pet aur kmar ki manspeshiyan is tarah se sahrir ke is hisse ko bandhe rahati hain, ki sir se lekar pair tak jane wali manspeshiyan, ligaments, tendons, ityadi pure sharir ko sidha khada rakahane mein madad karein.

Kisi karan se , jab is hisse ki mans peshiyon mein lachila pan kam hokar kadapan aane lagata hai to yah anavashyak khichav ke karan dard karane lagati hai, dusara karan yah hai ki kabhi kabhi ridha ki guriyon ke gap kam hote hain aur vah aapas mein ghisane lagati hain, teesara is kasherukaon mein calcium jamakar inaka aakar bada ho jata hai, isake alawa anaya vyadhiyon se bhi kamar ka dard hota hai, jinhe kisi doctor ko dikhakar nidan kara lena chahiye.

Ayurveda mein is bimari ke liye bahut achchi dawayein hain, jinhe prayog karake shatpratishat labh uthaya ja sakata hai. Jinhein yah takalif hai, ve kisi yogya vaidya ko dikhakar ilaj kara sakatey hain aur laabh prapta kar sakatey hain.

Samanyataya jinhe yah takalif hai ve niman kadha banakar labh utha sakatey hain.

Dashamool -rasna saptak kwath, yah kadha din mein do baar, subah aur sham, pine se kamar dard ya kati shool thik ho jata hai.

Ayurveda ka Nadi Parikhshshan Gyan

prakruti — Sat, 28 Jun 2008 16:33:35 +0000

Nari Parikshshan , Ayurveda vigyan ki ek speciality ke manind samajha jata hai. Aaj bhi Nari parikshshan Ayurved ke practitioner karate hain, lekin yah kitana satik hota hai, yah maine janane ki koshish ki, chunki main swayam Ayurveda ka practitioner hun, isaliye mujhe pata hai, ki Vastavik Nari Parikshan kya hota hai ?

Sahi to yah hai ki 99.99 pratishat Vaidya ya Ayurveda ke practitioners , Nari gyan kya hota hai, isake baare mein samjhatey hi nahin hain. Bahut se aise hain , jo khali nari gyan ka dikhava karatey hain aur ayurveda ke bataye gaye sharirik lakshshano ke adhar par , anuman ke saath marij ko batate jate hain ki fala fala bimari unako grasit kar rahi hai. Yah sab ve ayurveda mein bataye gaye Vata, Pitta aur Kaphha ke Prakruty ki roop rekha dekhakar batate hain, aur kewal apani akal ka istemaal karake marij ko bevakoof banate hain,

Ayurveda ka sara gyan, Tridosha, Tridosha Bheda, Mala, Agni, Oaj, Sapta Dhatuyein aadi aadi men samaaya hua hai. Kul milaakar mera anuman hai ki ye sab milakar 200-250 ke bich mein honge. Itani badi sankhya mein ayurveda ke practitioner , kewal nadi parikshan dwara kaise status quantify kar lete honge, isamein sanshay hai. Jab tak in sabaka status quantify na ho, tab tak ayurveda ka ilaj sandigdha hi rahega, yah pata hi nahin chal payega ki marij ko sahi dawa mil rahi hai, sahi ilaj mil raha hai ya nahin, yahi karan hai ki Ayurveda ka ilaj karaane wale marij shikayat karate hain , ki unhone Vaidyon ka ilaj kiya lekin unaki takalif mein koi kami nahin aayi.

Vajah saaf hai, jab Doshon ka , jise atiology kahatey hain, Jab dosha-bhedon ka, jise pathophysiology kahatey hain, jab sapta dhatuon ka , jise ayurveda ki pathology kahatey hain, ityadi ka nidan nahi karenge, vah bhi sahi sahi, tab tak yah kaise ummid ki ja sakati hai ki bimar vyakti ko sahi Ayurveda ka ilaj mil raha hai ya nahin.

Aaaj haal yahi hai ki vaidya swayam nari parikshan ke baare mein kam jankari rakhatey hain, jo bhi unako pataa hai vah kewal , anuman aur kalpana par adharit hai, isamein vastavikata ka samavesh 0.5 pratishat se adhik ka nahin hai..

Baadh ke baad failane wale infection

prakruti — Wed, 25 Jun 2008 17:04:53 +0000

Barasati nadiyon mein barasat ke dinon mein pani uphan marta hua jab jamin par failata hai , bahut kuchch nukasan karake jata hai, saath hi bahut si swasthya samabndhi samasyayein apane pichche chchod jata hai.

Yah samasyayein Pachan sansathan se sambandhit sabase adhik hoti hain, jinamein Diarrhoe, Vomitting, Cholera, Indigestion aur doosare digestive disorders hote hain, inase bahane ke liye sabase badhiya upay hai- bimari se bachav aur ise hone na dena.

Ayurveda is tarah ki bimariyon ki rok tham ke liye AMRIT DHARA ka upayog karane ki salah deta hai, yah bahut saral aur karagar dava hai. Ise teen dwaon ke mishran se bana sakatey hai.

Barabar barabar matra mein [a] PIPPERMINT,[b] SAT AJAWAIN, [c] KAPOOR [CAMPHOR] le lein, in teenon ko ek kanch ki ya plastik ki shishi mein daal dein. Kuchch der baad yah teeno gal jayeinge aur liquid swaroop mein ho jayeinge. Is dava ki ek bund se teen bund [ 01 drop to 03 drops] shakkar, biscuite, roti ke ek chchote tukade ya saaf pani mein , ya doodh ya sidehe sidhe jaban par dal kar nigal jayein, yah cholera tatha upar batayi gayi bimarion ki ram ban dava hai. Yadi ise din mein ek ya do baar lya jaye to upar batayi gayi takalifein hongi hi nahin , lekin saaf pani aur gandagi se bachana jaroori hai.

Homoeopathy ki dava "Camphor Mother Tincture" Cholera aur isi prakar ki doosari bimariyon ke liye achchi dava hai. Isaki 5 se 10 bund saaf pani mein milakar sevan karane se bhi Cholera se bachav ho jata hai, Upayog ke drashtikon se AMRIT DHARA jyada achchi hai, chahein to dono hi dawayein subah sham ek ek khurak le sakatey hain.

Sex organs se jude sawal

prakruti — Tue, 24 Jun 2008 16:58:37 +0000

Mere paas bahut se mail ate rahate hain, jinamein sex se jude sawal hote hain. Main sabhi logon ko bata dena chahata hun , ki Ayurveda ko koi bhi vyakti chahe vah mahila ho ya Purush, chhota ho ya bada , is vigyan ko koi sex badhane ya unake private parts ko ghatane ya badhane vala tool samajhane ki katai galti nahin karani chahiye.

Durbhgya se Ayurveda ko sex badhane ya ghatane , josh paida karane ya josha ghatane vale sadhan ke roop mein samajhane ki bhul ki ja rahi hai. Jo is tarah se Ayurved ko samajhate hain , ve galati kar rahe hain.

Ayurved aath [8] angon mein bata gaya hai, isaliye ise Ashtang Ayurved kahatey hain. In aath ango mein Ayurveda ko batane ka , hamare poorvajon ka koi matalab chchupa hai, unhone aise hi Ayurveda ko 8 angon mein nahin bata, isake pichche unaka uddeshya hai. Yah koi aaj ke jamane ki generation ka kaam nahin tha, yah us generation ka kaam tha, jo manviya mulyon, tyag, tapasya, sabake liye sukha, sabake liye vikas ki kalpana karati thi aur isiliye ve dharam karam ki aur upasana ki pdhyatiyan chchod gaye , is vichar ke saath ki unaki aane wali pidhiyan yani next generation apane aage aane wali generation ko kuchch manaviya aur samajik mulya dekar jayegi.

Lekin samay ke badalane ke saath saath, jahan hamare samajik, sansakratik mulya badalate chale gaye, usi ka parinam sabhi chhetron par pada, aur is vikrat samaj ne vikrat soch paida karake, generation ke baad aane wali generation ko bhrastata ke gun aur sikha diye.

Yah sab aisi hi soch ke parinam hain ki log Ayurveda ko napunsakata ya virya vikar ko door karane ka shashtra samajhane lage. Yah sab bakavas hai. Ayurveda ko is tarah ka vigyan samajhane ki bhool katai nahin karana chahiye.

Vartaman mein Ayurveda mein ho rahi uchchakoti ki shodha ke parinamon ko janane ke liye bahut si web sites hain, jinhen logon ko dekhana chahiye. Bahut se shodha journals prakashit ho rahe hain, unhe dekhana chahiye, ELECTRO-TRIDOSHA-GRAPHY naam ki taqnique se Ayurved vigyan mein krantikaari parivaratan aana tay hai. Ayurveda ko koi bhi itana kamajor na samajhe ki yah koi "ling badhane ka vigyan" hai.

Barasaat ke mausam mein savdhaniyan

prakruti — Sun, 22 Jun 2008 03:16:03 +0000

Barasat ka mausam aa gaya hai, kahin adhik tatha kahin kam , pani baras raha hai, desh ke kai hisson mein badh aa gayi hai, aap ghar se bahar nikaley aur bhig gaye to kya hoga ? kahin bimar pad gaye to kya karein ? Is mausam mein maleria bhi khub failata hai.

Agar savdhani rakkhein to aswasthata se bacha ja sakata hai. Ratri charya mein pahala kaam yah karein ki nange badan kabhi na soyein, halka kurta ya baniyan jroor pahan lein. Karan yah hai ki is mausam ka koi bharosa nahin rahata, kisi din raat mein bahut umas ho sakati hai aur kaisi raat mein sardi yahi thandak ho sakati hai aur yadi kuchch samay pani na barase to garmi bhi jhelani pad sakati hai, isaliye is mausam ka koi thikana na hone ke karan yani bahari temperature ke stabile na hone ke karan, sharir ke metabolism par asar padata hai aur jab aaram karate samay sharir ki manspeshiyon ki conditioning ki prakriya hoti hai tab is temperature ka asar padata hai. Baniyan pahanane se is stress se bacha ja sakata hai, yadi mausam anukul ho to ichchanusar kapade pahan sakatey hain.

Jinhein air condititon mein rahane ki aadat hai, ve vatanukulit bhavan mein rah sakatey hain. Is mausam mein pani se bhiganey se badan dard, manspeshiyon ka dard, kamar dard aur manspeshiyon mein khichav jaisi takalifein ho sakati hain, sardi jukham khansi ghutanon ka dard adi takalifein ho sakati hain.

Malria bukhar, sardi garmi se paida bukhar, patale dast, atisaar, diarrhoea, phephdon ki pareshaniyan, charma rog, pet ki takalifein, Liver ki pareshaniyan, Cholera aur Viral infection bahut hote hain.

In sabase bacha ja sakata hai. Is mausam mein Adarak yani "Ginger" ka upayog karana phayade mand hai. Adarak Chay mein pakakar din mein do teen bar pine se pet se sambandhit vikaron se bach sakatey hain. Iske chote chchote tukade karake bhojan karane se pahale sendha namak milakar chabakar kha ley, isase barasat ke season mein hone wale tapkram ke ghatane aur badhane se sharir mein padane wale dabav se bacha ja sakata hai.

Is season mein khanpaan mein bahut ehatiyat baratana chahiye. Ho sake to garam khana aur taza khana khayein. Basi aur der tak rakha huaa khana na khayein, kyonki rakha hua bhojan barasat ki nami ki vajah se jaldi kharab hota hai, isaliye koshish yahi karani chahiye ki taza aur garam bhojan karein.

Khatti chijen, dahi aur der tak rakha hua doodh na khayein. Khatta dahi nukasan karata hai, barasat ke dinon mein dahi bahut jaldi khatta ho jata hai, isaliye dahi na khayein to achcha hai.

Trikatu yani Sonth, Kali Mirch aur Chchoti pipal barabar barabar lekar powder bana lein. Is churan ko bhojan ke saath 1 ya 2 gramm ki matra mein khane se barasat mein hone wale adhikansh rogon se bach sakatey hain.

Ayurveda Chikitsa vigyan ke siddhant

prakruti — Wed, 18 Jun 2008 16:33:24 +0000

Jais ki sabhi janate hain ki sare vigyan , kisis na kisi roop mein niyam aur siddhanton par adharit hote hain. Ayurved vigyan ke saath bhi yahi baat lagu hoti hai. Ayurveda vigyan bhi sidhdhanton par adharit hai. Maje ki baat yah hai ki ayurved ke suddhant Nature arthat Prakruti se liye gaye hain, yani prakarati ki shaktiyon ko dekhakar aur samajh kar hamare poorvajon ne yah nishkarsh nikala ki , is prathvi par janme lene aur marane mein prakruti ka ek niyanmanusar chakra hai, jo anavarat chal raha hai, vishesh samay ke saath.

Isi drashtikon ko samane rakhakar Poorvajon ne , moolatah teen prakar ki prakritiyon ka nirdharan kiya, ye teen prakritiyan hain, Vata, Pitta, Kaphha. Yeh teen prakaratityan jab aapas mein milati hain, to inake bane mixture char hote hain. Ayurveda ke granthon mein in prakratiyon ke lakshan diye gaye hain.

Jab desh, kaal, ritu, ityadi ke prabhav se sharir mein vikratiyan paida hoti hain, tab yahi Prakratiyan dusht hokar Dosha ban jati hain. Is prakar se teen doshon ko "Tridosha" ke naam se janate hain.

Punashcha:

Kuchch logon ne mujhe likha hai ki ve Hindi Bhasa mein Ayurveda ki Pushtakein padhana chahatey hain.

Yah bahut khushi ki baat hai ki log Ayurveda mein ruchi rakhatey hain. Main aise logon ko salah doonga ki ve CHIKITSA CHANDRODAYA title ki pushtak, jisake Saat [7 Parts] bhag hain, agar padh lein to unhe sampoorna Ayurveda ka achcha khasa gyan ho jayega.

Ayurved ki Jadi butiyon ke ilaj ke alawa bhi bahut kuchch hai

prakruti — Mon, 16 Jun 2008 17:34:19 +0000

Ayurveda ke baare mein logon ko bahut kam janakari hai , ki yah ilaj ke alawa bhi bahut kuchch janakari deta hai, sabase pahale yah ki ham apane sharir ko swasthya kaise rakha sakate hain. Vastvikata yah hai, ki yah vigyan Atharv ved se juda hua hai, chunki yah vaidik kriya kalapon se juda hua vigyan hai, parinam swaroop us samay ke anusar jaisi jaroorat thi aur awasyakata thi, Ayurved ko janane aur samajhane ka mauka hamare purvajon ko mila.

Jaroorat us samay ki yah thi, ki in Vedon aur sanchit kiye gaye gyan ko kaise surakshshit rakkha jaye ? Us samay samasya yah thi ki , lipiyon ka avishkar nahin hua tha aur hamare poorvaj yah janate the ki manushya ki aayu bahut thori hai, sanchit gyan ko kewal smariti ke sahare hi jivit rakha ja sakata hai anyatha sanchit kiye huye gyan ko lop hote der nahin lagegi. Is vajah se , Puravajon ne vah tarkibein ajmani shuru ki, jinase smriti yani yad dasht majboot ho.

Purvajon ne yah paya ki, pratidin ke karya kalap, rituon ke karya kalap, din ke praharon ke karya kalap kis tarah se manage kiye jayein jisase sharir swasthya rahe. Ayurveda ne sabase pahale , is vigyan ko bataya hai, ki manav sharir ko swasthya rakhane ke liye , manushya ko kya karana chahiye, kya aacharan jaroori hain jisase shari swasthya bana rahe ?

Homoeopathy ke baare mein

prakruti — Sat, 14 Jun 2008 17:25:19 +0000

Main Ayurveda , Homoeopathy aur Allopathy ka snatak hun aur in teeno chikitsa vidhiyon se jahan jaisi jaroorat hoti hai marijon ka ilaj karata hun. Main apane 45 saal ke chikitsa anubhavon ko aap sab logon ko batana chahata hun taki naye logon ko kuchch naya gyan mile. Isase unhe kuchch naya prayog karane ka mauka milega.

Aaj main Homoeopathy ke baare mein bataunga.

Homoeopathy jitana asan aur saral samjhi jati hai yah vastava mein itani hai nahin. Jyada tar log ise samajh nahin paate hain aur isaka upayog ke badale duruoyog adhik hota hai. Hota kya hai, jab Homoeopathic store wale hi dawa bechane lage hain, dawai marijon ko dene lage hain, to kisi bhi marij ko yah ummid nahin karani chahoiye ki wah jo bhi dawa le raha hai usake apekshit parinam use mil nahin sakatey. Yah bahut gudha vishaya hai aur ise samajhane ke liye bahut dimagi kasarat ki jaroorat hoti hai. Ajakal bazar mein petent aushadhiyon ka bol bala hai, jidhar dekho har pharmacy wala har marz ki dava banaye daal raha hai. Sabase badi kami yah hai ki in dawaon ke koi test nahin huye hain aur na hi inake kahin trial huye hain. Ye sab roprietory meidicne hoti hai aur inaka takalif se koi lena dena nahin hota, in dawaon ka bahut bada bazar hai. isi bazar ke karan yah sab chal rahi hain.

AAm nagarikon ko Homoeopathy chikitsa ke baare mein pata hi nahin hain. Mujhe roj hi marij aakar batate hain ki unhone kaun kaun si dawayen khayi hain aur unake kya parinam mile. Jo is tarah ki dawaiyon ka upayog karate hain , ve apane swasthaya ke saath khilwad karane ke aur kuchch nahin kar rahe hain.

Durbhagya se sahi Homoeopathy ka doctor milana bhi bahut mushkil hai. Yah ek bahut badi vidambana hai, ki nai nai umar ke Homoeopathy ke chikitsak , jo naye naye padha kar nikale hain, unhe bhi koi santosh janak janakari nahin milati. Mujhe inake sabak gyan ke baare mein pata hai, kyonki main kuchch varshon tak kuchch universities ka examiner raha hun, aur BHMS ke ladakon ko examine kar chuka hun.

Meri yahi salah hai, agar halki phulkai takalif hai to kisi bhi naye homoeopathic doctor ke paas beshak ilaj ke liye jayen , lekin gambhir kism ki takalif ho to kisi purane aur umra daraz doctor ko dikhayen, isi mein bimar ka bhala hai.

Ab to ELECTRO-HOMOEO-GRAPHY Technology aa chuki hai, isake parikshan bhi ho rahe hain. Yadi is takanik ke baare mein jyada janana chahtey hai to yahan log on karein.

www. electrohomoeography.wordpress.com

Ayurved ke baare mein faiyly hui bhrantiyan

prakruti — Sat, 14 Jun 2008 02:53:20 +0000

Ayurved chikitsa vigyan ke baare mein logon ke man mein bahut tarah ki bhrantiyan faiyaly hui hain. jyadatar Log yah samajhate hain ki is chikitsa vigyan mein falani bimari ka ilaj nahin hain. Main is blog ke madhyam se bata dena chahata hun ki , aisi sharir ki koi bimari nahin hain jo Ayurved dwara nahin thik ki ja sakati hai.

Agar shrir ki koi bhi bimari pathophysiology yani abnormal physiological condition yani sharir ke us ang ke jyada ya adhik kaam karane ki wajah se paida ho gayi hon, ve sab ki sab shat pratishat thik ki ja sakati hain.

Agar shrir ki bimari Pathological hai, to yah samajhana padega ki is vyakti ke saath pathology ka kya star hai,

Agar Surgical disease hai, to ek baat main aap sabako bata dena chahata hun ki sabhi surgical disease condition mein surgery kabhi kabhi jaroory nahin hoti, bahut si takalifein hain jiname Ayurvedic dawayen bahut fayademand hain aur surgery ko tala ja sakata hai, tatha vyakti apana samanya jivan gujar sakata hai.

Ab to ELECTROTRIDOSHAGRAPHY TECHNOLOGY aa gayi hai, jisane Ayurveda ko ek vaigyanik aadhar de diya hai. Is takanik ko Bharat Sarakar ne manyata bhi de di hai. ETG dwara prapta data ko adhar banakar ilaj karane mein shat pratishat safalata milati hai, chahe vah adhik ho ya jyada.

Ab Roman English Lipi mein Hindi Bhasa dwara Ayurveda ko samajhane ka prayas

prakruti — Thu, 05 Jun 2008 17:13:38 +0000

Mujhe Hindi Bhasa mein likahne mein bahut kathinayi hoti hai isaliye main Aurveda ke baare mein adhik kuchch bahut dinon se nahin likha paya. Ab mera prayas rahega ki main aapak english Lipi mein Hindi shabdo ka prayog karake Ayurveda ko bata sakoon, yah mere liye adhik suvidha janak hoga. Main koshish karoonga ki aapako niyamit roop se janakari de sakoon.

Ayurveda Essentials of Temperaments and constitutions

prakruti — Thu, 22 Nov 2007 16:36:24 +0000

Is slide show mein Ayurveda mein varnan kiye gaye sharir ki banavaton ke charitragat guno ko bataya gaya hai. Kaun se sharir mein vyapt charitragat lakshan, kaun se doshon ko batate hain , is slide show ko dekhane ke baad gyat kar sakate hain.

[slideshare id=192702&doc=ayurveda-essentials-of-temperaments-and-constitutions-1196851087410663-5&w=425]

Ayurvedic cure of surgical disease conditions

prakruti — Thu, 22 Nov 2007 16:36:23 +0000

This slide show will introduce you the benefits of the Ayurvedic treatment in the Surgical disease conditions.

[slideshare id=176058&doc=ayurveda-cure-of-surgical-disease-conditions-1195748263225853-5&w=425]

हिन्‍दू देवता भगवान धनवन्‍तरि

prakruti — Sun, 04 Nov 2007 04:01:31 +0000

[slideshare id=133622&doc=3315&w=425]

हिन्‍दू देवता भगवान धनवन्‍तरि, जिनको स्‍मरण, ध्‍यान, पूजा, अर्चना करनें से आरोग्‍य और स्‍वास्‍थय की प्राप्ति होती है, इन्‍हे पूजनें से बीमारियां और असाध्‍य, कष्‍ट साध्‍य रोगों से छुटकारा मिलता है, ऐसी मान्‍यता है

[slideshare id=152162&doc=ayurveda-herbs-medicinal-uses-of-turmeric-1193898656247405-5&w=425]